Bosna-Hersek, Akhisar/Prusac’ta Handan Ağa Camiinin 1026/1617 Tarihli İki İnşâ Kitâbesi ve Çevirileri

 

Bosna-Hersek, Akhisar/Prusac’ta Handan Ağa Camiinin 1026/1617 Tarihli İki  İnşâ Kitâbesi ve Çevirileri

 

حمد لله كه بو اطرافه نظر قلدی خدا

ايلدی بر دُرّ دريای سخايی اعطا

ماه برج شرف اخلاق مكارم پرتو

يعنی خندان بگ او مهر فلك جود و سخا

اولدر اول محرز حسنی و سعادت اختر

من يعمر ده كی موعوده اولوب شمدی سزا

ياپدی بر جامع پرنور بهشت آسآ كم

رشك ايدر اهل زمين آڭا و املاك سما

ديدی عدنی آڭا چون بدأ نظرده تاريخ

جنّت عدنه مشابه بو بناءِ بالا

١٠٢٦

 

Hamdun Lillâh bu etrafa nazar kıldı Hudâ

Eyledi bir dürr-i deryâ-yı sehâyı i’tâ

Mâh-ı burç-i şeref ahlâk-ı mekârim-pertev

Ya’ni Handân Beğ o mihr-i felek-i cûd u sehâ

Oldur ol muhrez-i husni vü saâdet-ahter

Men ya’muru daki mev’ûda olup şimdi sezâ

Yapdı bir câmi’-i pür-nûr-i behişt-âsâ kim

Reşk eder ehl-i zemîn âna ve emlâk-ı semâ

Didi Adnî âna çün bede-i nazarda târîh

Cennet-i Adn’a müşâbih bu binâ-i bâlâ

Sene 1026

 

Diğer Kitâbe

 

قلدی خندان آغا بو جامعی لله بنا

گورنه ايشدنه اولدي آڭا فرض دعا

حسن طرزی حرم محترم ثانيدر

يريوزنده بولينورمی بوله بر خوشجه بنا

حقّ تعالی آنڭ أجرينی مضاعف قلسون

چونكه يحيا پاشايی بو اسلوب احيا

چون تمام اولدی بناسی و كمال ايتدی ثنا

اولدی تاريخ لطفيی بأبد بيت خدا

سنه ١٠٢٦

 

Kıldı Handân Ağa bu Câmi’i lillâh binâ

Görene işidene oldı âna farz duâ

Hüsn-i tarzı Harem-i Muhterem-i Sânîdir

Yeryüzünde bulunur mu böle bir hoşça binâ

Hakk Taâla ânın ecrini muzâ’af kılsun

Çünki Yahya Paşa’yı etdi bu üslûb ihyâ

Çün tamâm oldı binâsı ve Kemâl etdi senâ

Oldı târîh-i latîfi “Be ebed Beyt-i Hudâ”

Sene 1026