Bosna-Hersek, Vişegrad’ta Mimar Sinan Yapısı Ünlü Drina (Sokollu Mehmed Paşa) Köprüsünün Kitâbeleri- The Inscriptions Of The Famous Bridge Of Drina/Mehmed Pasha Sokolovic The Ottoman Grand Vizier In Vishegrad/Bosnia&Herzegovina
Bosna-Hersek, Vişegrad’ta Mimar Sinan Yapısı Ünlü
Drina (Sokollu Mehmed Paşa) Köprüsünün Kitâbeleri
The Inscriptions Of The Famous Bridge Of Drina/Mehmed Pasha Sokolovic The Ottoman Grand Vizier In Vishegrad/Bosnia&Herzegovina
979/1571-72 Tarihli İnşâ Kitâbesi
The Inscription Of The Construction Dated 979/1571-72
آصف دور و زمان حضرت
محمد پاشا
كه جهان بولدی آنڭ
ذات شريفيله شرف
صرف ايدوب مالنی
خيراته رضاءً لله
خير ايچون ويريلان
امواله ديمز كمسه صرف
صاغ ايكن سيم و زرين
صرف خيرات ايتدی
بيلدی آثآريدر هركسه
خير خلف
بوسنه ده نهر درين
اوزره ياپوب جسر كبير
بغلدی اول صويڭ
اوستنده كمرلردن صف
بويله بر نهر عميق و
جريانی محكم
صويڭ اوستنده بناسی ايده
بيلمادن سلف
عون حقيله ولی حضرت
پاشا ايتدی
كندينڭ نامنی اڭدرمغه
خيريله ثقف
ياپدی بر كوپری كه عالمده
نظيری يوقدر
بويله خيره ويريلان
ماله صقين ديمه تلف
اومرين حضرت حقدن
آنی بانی اولان
گونی خيريله گچه
گورميه عمرنده اسف
گوروب اتمامڭ نهادی
ديدی آڭا تاريخ
بارك الله عجب جسر
كبير الطف
٩٧٩
Âsaf-ı devr-i zamân
Hazret-i Mehmed Paşa
Ki Cihân
buldu ânın zât-ı şerifiyle şeref
Sarf idüp mâlını hayrâta
rızâen Lillâh
Hayr içün verilen emvâle
dimez kimse sarf
Sağ iken sîm u zerrîn sarf-ı
hayrât etdi
Bildi âsârıdır herkese
hayr-ı halef
Bosna’da Nehr-i Drîn
üzere yapup cisr-i kebîr
Bağladı evvel Suyun
üstünde kemerlerden saff
Böyle bir nehr-i ‘amîk
ve cereyânı muhkem
Suyun üstünde binâsını
idebilmeden selef
Avn-ı Hakkile velî
Hazret-i Paşa etdi
Kendinin nâmını andırmağa hayrıyla sakf
Yapdı bir köpri ki,
âlemde nazîri yokdur
Böyle hayra virilen mâla
sakın dime telef
Umarın Hazret-i Hakk’dan
ânı bânî olan
Güni hayrile geçe görmeye ömrinde esef
Görüp itmâmın Nihâdî didi âna târîh
Bârekellah aceb cisr-i kebîr ve eltaf
Sene 979
985/1577-78 Tarihli Diğer Kitâbe
The Other Inscription Dated 985/1577-78
خان مراد بن سليم
شاه جهان دورنده
حضرت صاحب خيرات
محمّد پاشا
اولوب اوچ شاهه
صداقتله وزير أعظم
أعظم خير جميل اتدی
قبول ايده خدا
نيتن خالص ايدوب نهر
درين اوستنده
نظر همّتله جسر عظيم
اتدی بنا
شويله خوب اولدی
بناسی كه صانور آنی گورن
صوده بر اينجودر بر
چرخ صدف اولمش آڭا
دولت و عمری بناسی
اوله محكم يا ربّ
دينی و عقبی
مراداتنی وير يا مولا
ددی تاريخن نهادی كه
گورن ايده دعا
ياپدی بو كوپری صو
اوزره محمّد پاشا ٩٨٥
Hân Murâd bin
Selîm-Şâh-ı Cihân devrinde
Hazret-i sâhib-i hayrât
Muhammed Paşâ
Olup üç şâha sadâkatle
vezîr-i a’zam
A’zam hayr-ı cemîl etdi
kabûl ide Hudâ
Niyyetin hâlis idüp
Nehr-i Drîn üstünde
Nazar himmetle cisr-i
azîm etdi binâ
Şöyle hûb oldı binâsı ki
sanur ânı gören
Suda bir incudur bir sedef
çarh olmış âna
Devlet vü ömrü binâsı
ola muhkem Yâ Rabb
Dîni ve ukba murâdâtını
vir Yâ Mevlâ
Didi Nihâdî târîhin ki
gören ide duâ
Yapdı bu köpri su üzere
Muhammed Paşa 985
Yorumlar
Yorum Gönder