Bosna-Hersek, Saraybosna’da Hünkâr (Fatih Sultan Mehmed) Câmi-i Şerifinin 1264/1847-48 Tarihli Tâmir Kitâbesi

Bosna-Hersek, Saraybosna’da Hünkâr (Fatih Sultan Mehmed) Câmi-i Şerifinin 1264/1847-48  Tarihli Tâmir Kitâbesi

حضرت عبدالمجيد خان مقتدای دين اولوب

اولدی محراب خلافتده امام مسلمين

طبعيدر قنديل جود و ذاتيدر نور كرم

جامع دهرين ايدر هر جانبڭ روشن ترين

قبۀ اقبالنه اولمش علم مهر منير

اوله لی اوچ منار شوكتی چرخ برين

جامع فاتح محمّد خان سرای بوسنه ده

ياپدروب اولمشدر صڭره هر يری هدمه قرين

قيلدی احيا لطف ايدوب خيرات جدّ امجدڭ

ايلدی بو معبدی تجديد اول شاه گزين

تا نمازه بونده اولدقجه جماعت صف زده

جيش نصرين ايلسون تأييد حقّ تا يوم دين

طاق بابنه ايلسون تعليق زيور بنده سی

بو ايكی تاريخم ايتدی كان نظمی جوهرين

شاه عالم ايلدی تجديد فاتح معبدڭ

ايتدی آبادآن ملك بوسنه یی خير نوين

حرّره محمّد رفعت مصری          ١٢٦٤

Hazret-i Abdülmecîd Hân muktedâ-yı Din olup

Oldu mihrâb-ı hilâfetde İmâm-ı müslimîn

Tab’ıdır kandil-i cûd ve zâtıdır nûr-ı kerem

Câmi’-i dehreyn eder her cânibin rûşen-terîn

Kubbe-i ikbâline olmuş alem-i mihr-i münîr

Olalı üç menâr şevketi çarh-ı berîn

Câmi’-i Fâtih Muhammed hân Sarâybosna’da

Yapdırıp olmuşdu sonra her yeri hedme karîn

Kıldı ihyâ lütf idüp hayrât-ı cedd-i emcedin

Tâ namâza bunda oldukça cemâat saff-zede

Ceyş-i nasrîn eylesün te’yîd-i Hakk ta yevm-i Dîn

Tâk-ı bâbına eylesün ta’lîk Zîver bendesi

Bu iki târihim etdi kân-ı nazmı cevhereyn

Şâh-ı Âlem eyledi tecdîd Fâtih ma’bedin

Etdi âbadân milk-i Bosna’yı hayr-ı nevîn

Harrerehu Mehmed Rif’at Mısrî  1264

Not: Manzum kitâbe metni ünlü şair Ziver Paşa’nındır.

Bkz. Âsâr-ı Ziver Paşa, Divân ve Münşeât, Bursa, Matbaa-i Vilâyet, 1313, Sahife 174

Kitâbenin Hattatı İse Mehmed Rif'at Mısri'dir