Meşrutiyet Devrinde Kürt Çocuklarının Eğitimine Mahsus İstanbul’da Mektep Açılmasına Dair Arşiv Belgeleri

Meşrutiyet Devrinde Kürt Çocuklarınının Eğitimine Mahsus Mektep Açılmasına Dair Arşiv Belgeleri:

Divanyolu Caddesinde Eski Şerefiye Caddesinde (Piyerloti Caddesi) Hâşim Efendi’ye Ait Hanede Kürt Çocuklarının Talim ve Tedrisine Mahsus Bir Mekteb-i İbtidâî’nin (İlkokul) Açılmasına İzin Verildiğine Dâir 15 Muharrem 1328/27 Ocak 1910 Ve 19 Muharrem 1328/31 Ocak 1910 Tarihli Arşiv Belgeleri.

BOA

DH.MM

60/2

19/M/1328

Dâhiliye Nezâreti Muhâberât-ı Umûmiye Dâiresi. Şûbe 4

Evrak Numarası: 3089

Müsevvidi: Nurî

Kaleme Vürûdu Tarihi: 17 Kânun-i Sânî Sene 1325

Tarih-i Tesvîd: 17 Kânun-i Sânî Sene 1325

Tarih-i Tebyîz: 18 Kânun-i Sâni Sene 1325

İstanbul Vilâyeti Vekâlet-i Behiyyesine

Kürd Neşr-i Maârif Cem’iyyeti tarafından Mekteb-i Meşrûtiyet nâmıyla, Kürt çocuklarının ta’lîm ve tedrîsine mahsûs olmak üzere Divân Yolu’nda Hoca Paşa mahallesinde Şerefiye caddesinde yüz yetmiş beş numaralı hânede küşâdına ruhsat i’tâsı istid’a olunan mekteb-i ibtidâî’nin te’sis ve küşâdında mahzûr olmadığı gibi, müdîr ve muallimlerinin İstihdâmı mâni bir gune halleri mâni-i istihdâm ahvâli bulunmadığı anlaşılmasına binâen, mezkûr hânenin vergisi ile rusûm-i sâiresi kemâ kâne mutasarrıfından istihsâli ve hîn-i küşâdında Maârif-i Umûmiye nizâmnâmesinin yüz yirmi dokuzuncu maddesi ahkâmına riâyet olunmak üzere ifâ-yı muktezası hususuna Şûrâ-yı Devlet karârıyla bi’l-istîzân irâde-i seniyye-i cenâb-ı Hilâfetpenâhî şerefsudûr buyurularak Maârif ve Mâliye nezâret-i celîlelerine teblîğ keyfiyet olunduğu bâ tezkire-i sâmiye izbâr buyurulmuş olmağla mucebince ifâ-yı mktezası bâbında..

Tebyîze

Hülâsa: Kürd Neşr-i Maârif Cem’iyyeti tarafından küşâd edilecek mektep hakkında.

Bâb-ı Alî

Dâire-i Sadâret

Tahrîrât Kalemi

3089

Dâhiliye Nezâret-i Celîlesine

Devletlu Efendim Hazretleri

Hoca Rüstem mahallesinde Mekteb-i Hukuk sokağında Nâfiz Paşa’nınn hânesini merkez-i idâre ittihâz eden Kürd Neşr-i Maârif Cem’iyyeti tarafından Mekteb-i Meşrûtiyet nâmıyla kürt çocuklarının ta’lîm ve tedrîsine mahsûs olmak üzere Dîvân Yolu’nda Hoca Paşa mahallesinde Şerefiye caddesinde yüz yetmiş beş numaralı Hâşim Efendi’nin taht-ı tasarrufundaki hânede küşâdına ruhsat i’tâsı istid’a olunan mekteb-i ibtîdâînin te’sîs ve küşâdında mahzûr olmadığı gibi müdîr ve muallimlerinin istihdâmı mâni bir gûne halleri bulunmadığı anlaşılmış olmasına binâen mezkûr hânenin vergi ve rusûm-i sâiresi kemâ kâne mutasarrıfından istihsâl ve küşâdında Maârif-i Umûmiye nizâmnâmesinin yüz yirmi dokuzuncu ahkâmına riâyet olunmak üzere mektep hâlinde isti’mâli zımnında ifâ-yı muktezası husûsuna Maârif Nezâret-i celîlesinden vukû bulan iş’âr üzerine Şûrâ-yı Devlet karârıyla bi’l-istîzân irâde-i seniyye-i cenâb-ı hilâfetpenâhî şerefsudûr buyurularak Maârif ve Mâliye nezâret-i celîlelerine tebliğât kılınmış olmağla nezâret-i celîlelerince de ifâ-yı muktezasına himmet buyurulması siyâkında tezkire-i senâverî terkîm kılındı efendim.

Fi 15 Muharrem Sene 1328 Fi 14 Kânûn-i Sânî Sene 1325

Sadrâzam

İbrahim Hakkı

Not: Tüm Yayın Hakları Mafuzdur.

Dahiliye Nezâret Muhâberât-ı Umûmiye Dâiresinin Vilâyet Vekâletine Gönderdiği Tezkirenin Müsveddesi

Sadrazam İbrahim Hakkı Paşa'nın Dahiliye Nezaretine Gönderdiği Tezkire